პრემიერ-მინისტრის, გიორგი გახარიას განცხადებით, სასტუმროების ნაწილს სესხის პროცენტს დაუსუბსიდირებენ. კერძოდ, 20 მილიონ ლარამდე ბრუნვის მქონე სასტუმროების, 5 მილიონის სესხის პროცენტის 80 პროცენტს დაუსუბსიდირებენ.

"ეს არის უდიდესი უმრავლესობა, 95%-ზე მეტი სასტუმრო ინდუსტრიის ობიექტი. ჩვენ აქ მოვახდენთ მათი საბანკო სესხის პროცენტის 80 პროცენტის სუბსიდირებას სესხის პირველ 5 მილიონ ლარზე და ეს პროგრამა გაგრძელდება 6 თვე", — განმარტა ეკონომიკის მინისტრმა, ნათია თურნავამ.

ანტიკრიზისული გეგმის მიხედვით, საკრედიტო საგარანტიო სქემაში ჩაერთვებიან კვების ობიექტებიც.

"რაც გულისხმობს, რომ სახელმწიფო 30 პროცენტში თანაუზრუნველყოფაში დაუდგება ამ ობიექტებს გვერდში და საბანკო არსებული სესხების რესტრუქტურიზაციის დროს. ხოლო ახალი სესხების მოზიდვის დროს 90 პროცენტს თანაუზრუნველყოფას ჩვენს თავზე ავიღებთ", — განაცხადა თურნავამ.

ამავე თემაზე: