თბილისის მერიის პრესსამსახურის ინფორმაციით, წყნეთში, ბეთანიაში, კოჯორსა და კიკეთში გზის გაწმენდითი სამუშაოები მთელი ღამის განმავლობაში საგანგებო რეჟიმში მიმდინარეობდა.

შპს თბილსერვის ჯგუფის თანამშრომლებმა ადგილზე ტექნიკური მარილი დაყარეს. უწყების ცნობით, ამ ეტაპზე ავტოტრანსპორტით გადაადგილება შეუფერხებლად ხორციელდება. ადგილზე რჩება ტექნიკა და საჭიროების შემთვევაში სამუშაოები კვლავ გაგრძელდება.

მერიის პრესსამსახურის ცნობით, მოქალაქეებს გადაადგილებასთან დაკავშირებული შეფერხების შემთხვევაში შეუძლიათ დარეკონ თბილსერვის ჯგუფის ცხელ ხაზზე: 2 61 90 50.