მთავრობის გადაწყვეტილებით, ხვალიდან, 5 მაისიდან, სამშენებლო სექტორში მომუშავე ყველა კომპანიას მუშაობის განახლების ნებართვა მიეცემა. ამის შესახებ პრემიერმინისტრმა, გიორგი გახარიამ მთავრობის სხდომაზე განაცხადა.

მისი თქმით, ხვალიდან მუშაობის განახლების უფლება ექნებათ ყველა იმ კომპანიასაც, რომელიც სამშენებლო მასალების წარმოებითაა დაკავებული და ასევე იმ კომპანიებს, რომლებიც სხვადასხვა სახით სამშენებლო ბიზნესთან არიან დაკავშირებული.

"მაგრამ ხაზგასმით მინდა აღვნიშნო, რომ შემოწმებები, რომელსაც ჯანდაცვისა და ეკონომიკის სამინისტროს ბაზაზე არსებული სპეციალური გუნდი გააგრძელებს ყოველდღიურ შემოწმებებს და მინდა კონმპანიის მფლობელს მოვუწოდო, რომ პასუხისმგებლიანად მოეპყრონ მათ ყოველდღიურ საქმიანობას და იმ ვალდებულებებს, რომლებიც დაწესებულია ჯანდაცვის სამინისტროს მიერ", — განაცხადა გახარიამ.

გიორგი გახარიამ დღევანდელ ბრიფინგზე აღნიშნა, რომ მთავრობა ქვეყანაში ეპიდემიოლოგიური მდგომარეობის მიხედვით, გარკვეულ შეზღუდვებს უფრო ადრე შეამსუბუქებს.

გაიგეთ მეტი: