იუსტიციის მინისტრის, თეა წულუკიანის თქმით, ეკლესიასთან თანამშრომლობით, სახელმწიფომაც და ეკლესიამაც ის სახე, აჩვენეს, რომელიც ქვეყანას ეკადრება.

მისი თქმით, სააღდგომოდ სახელისუფლებო გუნდმა, როგორც "იუველირმა", პროცესები "ფილიგრანულად" მართა.

"ეს შეიძლება, უკვე ბევრ ადამიანს აქვს შეფასებული, მაგრამ დრო რომ გავა, ეს უფრო საგრძნობი გახდება. ჩვენ შევძელით, ამ უკიდურესი საფრთხის პირობებში არ შევხებოდით იმ ყველაზე მნიშვნელოვან სიმბოლოებს, როგორიც არის ეკლესია, მეჩეთი და კარები არ დავკეტეთ, იმიტომ, რომ ეს ის ადგილებია, რომლებიც ჩვენი ქვეყნისთვის უმძიმეს დროშიც კი ამა თუ იმ ფორმით მაინც ღია რჩებოდა. მაგრამ სხვა მეთოდებით, უფრო რთული გზით, ყველაფერი გონივრული რთულია ხოლმე, ეკლესიასთან თანამშრომლობით, ჩვენ, სახელმწიფომაც და ეკლესიამაც შევძელით, ვაჩვენეთ ის სახე, რომელიც ჩვენს ქვეყანას ეკადრება", — განაცხადა თეა წულუკიანმა შალვა რამიშვილის გადაცემაში სტუმრობისას.