საქართველოს პრეზიდენტის ადმინისტრაციის უფროსის გიორგი აბაშიშვილის ინფორმაციით, პარლამენტს მოუწევს რომ არჩევანი ლევან მურუსიძესა და ანა დოლიძეს შორის გააკეთოს:

"არანაირად არ მაქვს იმედი, რომ ,,ნაციონალური მოძრაობა" რამენაირად დათმობს მურუსიძეს და მხარს დაუჭერს დოლიძეს, თუმცა ვფიქრობ, რომ პარლამენტის თითოეულ წევრს, უმრავლესობას დღეს აქვს შესაძლებლობა მურუსიძის მართვის სტილი სასამართლოში დოლიძის სტილით შეცვალოს".

პარლამენტი დღევანდელ სხდომაზე პრეზიდენტის მიერ წარდგენილ უზენაესი სასამართლოს წევრობის კანდიდატებს უყრის კენჭს.

გიორგი აბაშიშვილის თქმით, უზენაესი სასამართლოს ფუნქციონირებას სერიოზული პრობლემები შეექმნება, თუ სწრაფად არ დამტკიცდებიან პრეზიდენტის მიერ წარდგენილი მოსამართლეობის კანდიდატები.

საქართველოს პრეზიდენტმა პარლამენტს განსახილველად უზენაესი სასამართლოს წევრობის კანდიდატებად ანა დოლიძე, თამარ ლალიაშვილი და ნონა თოდუა რამდენიმე კვირის წინ წარუდგინა.