მსოფლიოში კორონავირუსისგან მილიონზე მეტი ადამიანი გამოჯანმრთელდა. ამის შესახებ ინფორმაციას აშშ-ს ჰოპკინსის უნივერსიტეტი ავრცელებს.

მათივე მონაცემებით, ამ დროისთვის გლობალურად კორონავირუსით ინფიცირების 3 257 660 შემთხვევაა დადასტურებული, მათ შორის გამოჯანმრთელებულია 1 014 916 და გარდაცვლილია 233 416 ადამიანი.

ბოლო მონაცემებით, კორონავირუსით ინფიცირების ყველაზე მეტი შემთხვევა: აშშ-ში, ესპანეთში, იტალიაში, დიდ ბრიტანეთსა და საფრანგეთშია დადასტურებული.