მე-9 მოწვევის პარლამენტის წევრმა პატრიოტთა ალიანსის სიით, ადა მარშანიამ On.ge-სთან საუბარში 3 საკითხი გამოყო, რომელიც მისთვის პრიორიტეტულია. მარშანიას თქმით, მთავარი მიზანი ქვეყნის გამთლიანება უნდა იყოს:

"ჩვენთვის მთავარი მიზანი და მთავარი ამოცანა ერთი რჩება ჯერ-ჯერობით, ეს არის ქვეყნის გამთლიანებაზე მუშაობა. ეს საკითხი ქვეყანაში უნდა იყოს ნომერ პირველი ამოცანა. ასე არ არის დღეს და ეს არის ჩვენი ქვეყნის ტრაგედია. ამ საკითხის გადადება არ შეიძლება. რასაკვირველია, ამავდროულად ქვეყანაში კატასტროფული უმუშევრობაა, და მესამე საკითხი რომელსაც გამოვყოფდი ესაა საარჩევნო რეფორმა. სანამ ჩვენ ნორმალურ ეროვნულ ჭკვიან მებრძოლ და პატიოსან ხელისუფლებას არ ავირჩევთ, მანამ ჩვენი ნორმალური განვითარება არ დაიწყება. ინიციატივა ბევრი გვაქვს სამივე საკითხში."