ლენტეხის მუნიციპალიტეტსა და ხაშურის მუნიციპალიტეტის სოფელ ხიდისყურში მკაცრი კარანტინი მოიხსნა. მთავრობის პრესსპიკერის, ირაკლი ჩიქოვანის თქმით, 28 აპრილიდან ამ ორ გეოგრაპიულ პუნქტში იმოქმედებს ის შეზღუდვები, რაც მთლიანად საქართველოს ტერიტორიაზე მოქმედებს.

მკაცრი კარანტინი ლენტეხში 10 აპრილიდან და ხაშურის მუნიციპალიტეტის სოფელ ხიდისყურში 13 აპრილიდან მოქმედებდა. ჩიქოვანის თქმით, ეს გადაწყვეტილება ეპიდემიოლოგიური კვლევების შედეგად მიიღეს:

"დაახლოებით, 4500-მდე ადამიანს რამდენჯერმე ჩაუტარდა თერმოსკრინინგი პროაქტიულად. ასევე, ჩატარდა შესაძლო კერების, ყველა კონტაქტის მიზნობრივი კვლევა".