ქუთაის-გაენათის ეპარქიის მიტროპოლიტი იოანე ყინწვისის მამათა მონასტრის სასულიერო პირის მიერ მეორე სასულიერო პირის დაჭრის ფაქტს ეხმაურება და ამბობს, რომ შესაძლოა, ეს ცილისწამება იყოს.

მისი თქმით, შემთხვევის ადგილზე პოლიციელები "ჩასაფრებულები" არ ყოფილან და მოწმეც არავინ არ არის.

"თქვენ იქ არ იყავით და ამიტომ ჭორის დონზე ნუ ლაპარაკობთ. მეც არ ვიყავი და ვერაფერს გეტყვით ამაზე. მე არ მგონია, რომ იქ პოლიციელი ჩასაფრებული ყოფილიყო. შეიძლება ცილისწამებაც იყოს. ბერებს ჰკითხეთ? იმათ ჰკითხეთ რა იყო, მე რა ვიცი. შეფასება შეიძლება იმის, რაც იცი. რაც არ იცი, იმის შეფასება არის ცილისწამება. თუ დაკავებულია, მაშინ დაელოდოთ გამოძიებას. ბერები არ ამბობენ და ვინ ამბობს? გამოძიება იწყება მერე, როცა უკვე დაფიქსირდა. იქ პოლიციელი იყო ვინმე? მოწმე ვინმე არის ბერების მეტი? არავინ არ არის და რატო ლაპარაკობენ? თითქოს ჩასაფრებული ხართ, რომ მაინც და მაინც დანაშაული იპოვოთ", — განაცხადა მეუფე იოანემ.

ყინწვისის მამათა მონასტრის წინამძღვარი, მამა დავითი მკვლელობის მცდელობის ბრალდებით დააკავეს.

მან ავტომატური ცეცხლსასროლი იარაღიდან ყინწვისის კეთილგონიერი ავაზაკის წინამძღვარს, არქიმანდრიტ საბა ჟღენტს ცეცხლი გაუხსნა.

თავად არქიმანდრიტი საბა უარყოფდა, რომ იგი სასულიერო პირმა დაჭრა. მისი თქმით, დაჭრასთან დაკავშირებით ცრუ ინფორმაცია გავრცელდა და ამით "გულნატკენია".

რუის-ურბნისი ეპარქიაში სასულიერო პირის დაჭრასს ეპარქიის მიტროპოლიტი იობი უარყოფდა.