მიტანის სერვისი ავტომობილებითაც დასაშვებია. როგორც On.ge-ს მთავრობის ადმინისტრაციაში განუცხადეს მსუბუქი ავტომობილებით გადაადგილებაზე დაწესებული აკრძალვა მიტანის, ე.წ დელივერი სერვისებზე არ ვრცელდება.

მათივე განმარტებით, საფოსტო, საკურიერო და დელივერი მომსახურების განმახორციელებელი კომპანიებისთვის ნებადართულია მომსახურების გაწევა მსუბუქი ავტომანქანების მეშვეობით.

დღეს კომპანია Glovo-მ გაავრცელა ინფორმაცია, რომ მთავრობის გამკაცრებული რეგულაციების მიხედვით, მაქანებით გადადგილებას ვერც მათი და Wolt-ის კურიერები შეძლებენ.

კომპანია Wolt-ც აღნიშნავდა, რომ კურიერების საკმაოდ დიდი ნაწილი დღეიდან ვერ იმუშავებს და შეიძლება შეკვეთის მიტანის დრო გახანგრძლივდეს.

მოგვიანებით, კომპანია Glovo-მ ახალ განცხადება გაავრცელა, რომ ეკონომიკისა და მდგრადი განვითარების სამინისტროსთან კომუნიკაციის შედეგად დაზუსტდა, რომ მსუბუქი მანქანებით მოძრაობა მათთვისაც ნებადართულია.

ეკონომიკისა და მდგრადი განვითარების სამინისტროსთან კომუნიკაციის შედეგად დაზუსტდა, რომ მსუბუქი მანქანებით მოძრაობა

გუშინ, 21 აპრილს პრემიერმინისტრის პრესსპიკერმა თქვა, რომ 27 აპრილიდან დაიწყება შეზღუდვების მოხსნა, მათ შორის, გადაადგილების შეზღუდვის. თუმცა, საგანგებო მდგომარეობა საქართველოში 22 მაისამდე გაგრძელდება.