მსოფლიო ისტორიაში ერთ-ერთი ყველაზე ცნობილი განგსტერის, ალ კაპონეს შესახებ გადაღებულ ბიოგრაფიულ ფილმში ვის უნდა ეთამაშა ამ გავლენიანი ბოროტმოქმედის როლი, თუ არა ტომ ჰარდის, რომელიც უკვე გვიხილავს Taboo-ში, Peaky Blinders-სა თუ Legend-ში.

ახალი ფილმის აღწერაში ვკითხულობთ: "47 წლის ალ კაპონე ციხეში გატარებული ათწლიანი პატიმრობის შემდეგ ფსიქიკური პრობლემებით იტანჯება და მისი ძალადობრივი წარსული მოსვენებას არ აძლევს".

ამ ფილმის თავდაპირველი სახელწოდება Fonzo იყო, თუმცა საბოლოოდ მას Capone უწოდეს და სულ რამდენიმე საათის წინ მისი პირველი ტრეილერიც გავრცელდა:

ალ კაპონე აშშ-ში კრიმინალურ დაჯგუფებას 1920-იან წლებში ხელმძღვანელობდა, 1931 წელს კი გადასახადის გადახდისთვის თავის არიდების ბრალდებით დააპატიმრეს. ამ ახალ ფილმში ტომ ჰარდი სწორედ ამ მოვლენების შემდგომ განვითარებულ ალ კაპონეს ფსიქიკურ და ემოციურ მდგომარეობას გააცოცხლებს.

ტომ ჰარდისთან ერთად ფილმში ვიხილავთ კაილ მაკლაქლენს, ლინდა კარდელინის, ჯეკ ლოუდენს, მეთ დილონსა და ნილ ბრენანს.

ფილმის სცენარისტი და რეჟისორი ჯოშ ტრანკია, რომელსაც აქამდე ისეთი ფილმები გადაუღია, როგორებიცაა Chronicle (2012) და Fantastic Four (2015).

აღსანიშნავია, რომ შექმნილი ვითარების გამო ფილმის შემქმნელები კინოთეატრებში პრემიერას არ დაელოდებიან და Capone-ს ხილმა მაყურებლებს ონლაინ შეეძლება, მოგვიანებით კი, როცა კინოთეატრები კვლავ ამუშავდება, იქაც შედგება პრემიერა.

ამის შესახებ თავად რეჟისორმა გაავრცელა განცხადება ტვიტერზე: