დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ქართული ოცნების გენერალური მდივანი და თბილისის მერი, კახა კალაძე ამბობს, რომ საგანგებო მდგომარეობის პირობები და შეზღუდვები ყველაზე ვრცელდება.

"ეს ვრცელდება ყველა სივრცეში, ნებისმიერ ადგილზე, ნებისმიერ ადამიანზე და არანაირი მაგრამ ამ შემთხვევში არ განიხილება და არც უნდა გახდეს მსჯელობის საგანი. ვინც დაარღვევს წესებს, რა თქმა უნდა, ამას მოჰყვება შესაბამისი რეაგირება", — თქვა კალაძემ ვიდეო მიმართვაში.

თბილისის მერმა მოქალაქეებს შეახსენა, რომ კარანტინის ახალი წესები მოქმედებს მთელს საქართველოში, ძალაში შევა დღეიდან და იქნება ამ შაბათ-კვირასაც. კახა კალაძის თქმით, ამ ვითარებაში ცხოვრება და შეზღუდვების დაწესება არავის სიამოვნებს, მაგრამ ეს კეთდება უსაფრთხოების გამო.

"მე მესმის, რომ რა თქმა უნდა, ძალიან რთულია ასე ცხოვრება, ძალიან გვიჭირს ყველას, მაგრამ ყველა ხომ ძალიან კარგად ვხვდებით, რატომ არის ეს გადაწყვეტილებები მიღებული — ისევ და ისევ ჩვენი ჯანმრთელობის უსაფრთხოებიდან გამომდინარე, ისევ და ისევ, რომ დავიცვათ ერთმანეთი, რომ გავუფრთხილდეთ ჩვენს შვილებს, მშობლებს, ბებიებს, ბაბუებს. აქ ხომ საუბარია ყველაზე ძვირფასზე, რაც გაგვაჩნია, ეს არის ადამიანის სიცოცხლე", — თქვა კალაძემ.