დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანდაცვის მინისტრის, ეკატერინე ტიკარაძის თქმით, სამინისტროს მიერ შემუშავებული პროტოკოლი ეფექტურია, თუმცა მისი განხორციელების ხარისხს ეს არ განსაზღვრავს. ამ თემაზე მინისტრმა მთავრობის ბრიფინგზე ისაუბრა.

"პროტოკოლი არის ნამდვილად ეფექტური, მაგრამ მხოლოდ პროტოკოლის ეფექტურობა მისი განხორციელების ხარისხს და ეფექტურობას არ განსაზღვრავს. რეგულირების სააგენტომ დღეს უკვე მომაწოდა სია, თუ როგორ შეისწავლის ამ ჯაჭვსა და მოკლე პერიოდში ჯაჭვი და იქ არსებული ხარვეზები გახდება ჩემთვის ცნობილი", — თქვა ეკატერინე ტიკარაძემ.

მინისტრმა აღნიშნა, რომ ამ ინფორმაციის მიღების შემდეგ განიხილავს როგორც პროტოკოლის ხარვეზებს, ისე ადგილზე მომხდარ გადაცდომებს, რასაც შესაბამისი ღონისძიებები მოჰყვება.

ბოლო მონაცემებით, საქართველოში კორონავირუსის 266 დადასტურებული შემთხვევაა, მათ შორის 67 გამოჯანმრთელებულია, 3 კი გარდაცვლილი. კარანტინის რეჟიმში 4 890 ადამიანია, სტაციონარში მეთვალყურეობის ქვეშ — 439.