ამერიკელი სენატორი, ბერნი სანდერსი წყვეტს აშშ-ს 2020 წლის საპრეზიდენტო კამპანიას. ამის შესახებ დღეს, 8 აპრილის პრესკონფერენციაზე გახდა ცნობილი. კანდიდატურის მოხსნის შესახებ სანდერსი მხარდამჭერებს პირდაპირ ეთერში გაესაუბრა:

"ჩვენ შევცვალეთ ამერიკელების ცნობიერება იმით, თუ რა ტიპის ერი შეგვიძლია გავხდეთ და წინ წავწიეთ ეს ქვეყანა ეკონომიკური სამართლიანობის, სოციალური სამართლიანობის, რასობრივი სამართლიანობისა და გარემოსდაცვითი სამართლიანობისთვის უსასრულო ბრძოლაში. ჩვენმა მოძრაობამ იდეოლოგიურ ბრძოლაში გაიმარჯვა".

ბერნი სანდერსის კამპანიიდან გასვლით, სავარაუდოდ, ყოფილი ვიცე პრეზიდენტი, ჯო ბაიდენი გახდება დემოკრატების საპრეზიდენტო კანდიდატი არჩევნებში.

2020 წელს სანდერსი მეორედ იბრძოდა დემოკრატიული პარტიის საპრეზიდენტო ნომინაციისთვის, 2016 წელს იგი შიდაპარტიულ პრაიმერისში ჰილარი კლინტონთან დამარცხდა.