კორონავირუსის პანდემიასთან საბრძოლველად ვიეტნამმა 5 ევროპულ ქვეყანას 550 ათასი პირბადე აჩუქა. ამის შესახებ ინფორმაციას ამერიკის ხმა ავრცელებს.

მათი ინფორმაციით, ვიეტნამში დამზადებულ პირბადეებს საფრანგეთი, გერმანია იტალია, ესპანეთი და დიდი ბრიტანეთი მიიღებენ.

მათივე ცნობით, ვიეტნამი თვეში 5 მილიონი პირბადის გამოშვებას გეგმავს. პანდემიის პირობებში ვიეტნამი ჩინეთსა და კამბოჯასაც დაეხმარა.

ბოლო მონაცემებით, ვიეტნამში კორონავირუსით ინფიცირების249 შემთხვევაა დადასტურებული და მათგან არცერთი გარდაცვალების ფაქტი არ ფიქსირდება, გამოჯანმრთელებულია 123 ადამიანი.