ბატაკლანზე ტერორისტების სისხლიანი თავდასხმიდან ერთი წლის შემდეგ, საკონცერტო დარბაზი ბრიტანელმა მომღერალმა სტინგმა გახსნა.

დარბაზში შეკრებილებმა 1 წლის წინ დაღუპული მშვიდობიანი მოქალაქეების ხსოვნას ერთწუთიანი დუმილით პატივი მიაგეს. დარბაზში 1 000 ადამიანამდე იყო მისული, უსაფრთხოების ზომები კი გაძლიერებული იყო.

სტინგი კონცერტზე 1 საათის განმავლობაში უკრავდა, მან დაღუპულთა ხსოვნისთვის მიძღვნილი საღამო ნელ-ნელა ზეიმად გარდაქმნა. ბრიტანელმა მუსიკოსმა ბატაკლანში მისულებს ფრანგულად მიმართა და უთხრა, რომ მათ არ უნდა დაევიწყებინათ 1 წლის წინ დაღუპულები და ამასთან ერთად, საკუთარი სიცოცხლე უნდა ეზეიმათ.

Back home avec @sting ❤🤘🎶 #bataclan #sting #livemusic #love #friends

A video posted by @laure_vergne on

"დარბაზში შეკრებილი ათასამდე ადამიანი ფეხზე მდგარი ზეიმობდა ცხოვრებას, მუსიკას და კულტურას, რომელმაც ძალადობა გადალახა, ეს ყველაფერი ერთად, ბატაკლანის სინონიმებად იქცა" - წერს CNN.

Just one minute from last night .... ;-) #sting #THATvoice #bataclan #paris

A video posted by romainlabaye (@romainlabaye) on

ბატაკლანის წარმომადგენლის თქმით, ბილეთები ივენთის დაანონსებიდან 30 წუთში გაიყიდა. კონცერტზე მიწვეულნი იყვნენ ტერაქტში გადარჩენილები და დაღუპულთა ოჯახის წევრები.

თავდასხმიდან 1 წლის განმავლობაში, ბატაკლანის საკონცერტო დარბაზი დაკეტილი იყო.

საფრანგეთის პრეზიდენტი ფრანსუა ოლანდი იმ ექვს ადგილს ეწვია, რომელიც 13 ნოემბერს ე.წ. ისლამური სახელმწიფოს თვითმკვლელი ტერორისტების სამიზნე გახდა.

BBC-ის ინფორმაციით, ბატაკლანში ოლანდთან ერთად პარიზის მერი ანა იდალგოც მივიდა და ფერადი ბუშტები გაუშვა.

ოლანდმა განაცხადა, რომ ეს დღე 2015 წელს პარიზში დაღუპული 130 ადამიანის ხსოვნას ეძღვნება.

13 ნოემბრის ტერაქტი

2015 წლის 13 ნოემბრის საღამოს, პარიზში, Eagles of Death Metal-ის კონცერტის დროს, ISIS-ის წევრებმა ბატაკლანში, მუსიკის მოსასმენად მისულ, მოქალაქეებს ცეცხლი გაუხსნეს, თავდასხმას 90 ადამიანი ემსხვერპლა.

ცოტა ხანში, ტერორისტებმა იერიში მიიტანეს კაფეებზე და ბარებზე. 13 ნოემბრის ტერაქტს ჯამში 130 ადამიანის სიცოცხლე ემსხვერპლა.