დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის დირექტორის მოადგილის, პაატა იმნაძის თქმით, აჭარაში კორონავირუსით ინფიცირებული ექიმი გმირია, რადგან ყველაფერი გააკეთა პაციენტისთვის. ამ თემაზე პაატა იმნაძემ მთავრობის ბრიფინგზე ისაუბრა.

"ეს ჩემი კოლეგა არის გმირი, იმიტომ, რომ ის ემსახურებოდა პაციენტს, ფსიქიურად დაავდებულ ადამიანს, რომელთანაც ფიზიკურად კონტაქტი იყო გაძნელებული, ამ ადამიანმა გააკეთა ყველაფერი იმისთვის რომ ამ პაციენტისთვის მოევლო. სამწუხაროდ, რა თქმა უნდა მან ვერ შეძლო, რომ ბოლომდე დაცული ყოფილიყო უშუალო ფიზიკური კონტაქტისგან", — თქვა პაატა იმნაძემ.

იმნაძემ აღნიშნა, რომ ექიმის ყველა კონტაქტი მოკვლეულია და ყურადღების ქვეშაა.

30 მარტს ცნობილი გახდა, რომ სამსახურეობრივი მოვალეობის შესრულების დროს კორონავირუსით ექიმი დაინფიცირდა. ის ბათუმში, ერთ-ერთ საავადმყოფოში მუშაობდა და ამჟამად სპეციალურ დაწესებულებაში მკურნალობს.