შვედური ბრენდი H&M, რომლის პირველი მაღაზიაც საქართველოში 2017 წელს გაიხსნება, ადგილს გალერია თბილისში დაიკავებს.

The FINANCIAL-ის ინფორმაციით, ბიძინა ივანიშვილის მიერ დაფუძნებულმა თანაინვესტირების ფონდმა, რომელიც გალერია თბილისის პროექტს აფინანსებს, უკვე გააფორმა ხელშეკრულება მსოფლიოს ერთ-ერთ უმსხვილეს ტანსაცმლის კომპანიასთან, რომელიც ცნობილია არაძვირადღირებული მოდური ტანსაცმლით.

ასევე 2017 წელს იხსნება გალერია თბილისიც, პროექტი 80 მილიონი ამერიკული დოლარი ჯდება.

გალერია თბილისი რუსთაველის გამზირზე ყოფილი უნივერმაღის შენობის ადგილზე შენდება. ხუთსართულიანი სავაჭრო ცენტრის გახსნის თარიღმა სექტემბერში გადაიწია.

H&M ჯერჯერობით პირველია, რომელთანაც თანაინვესტირების ფონდმა შეთანხმების მიღწევა შეძლო.