ამ დროისთვის არსებული წინასწარი მონაცემებით, დემოკრატების კანდიდატს ჰილარი კლინტონს 59,079,077 ამერიკელი ამომრჩეველი უჭერს მხარს, ხოლო დონალდ ტრამპს 58,941,325.

ჰილარი კლინტონს ტრამპთან შედარებით 137 752 ხმით მეტი აქვს.

თუმცა, ეს საბოლოო შედეგებს არ ცვლის, რადგან ტრამპმა ამომრჩეველთა კოლეგიის 276 ხმა უკვე მიიღო, როცა კლინტონს 218 ხმა აქვს. პრეზიდენტობისთვის საჭიროა სულ 270 ხმა.

ამერიკის შეერთებული შტატების მოსახლეობა პრეზიდენტს პირდაპირი წესით არ ირჩევს. მართალია, ისინი ხმას აძლევენ კონკრეტულ, მათთვის სასურველ კანდიდატს, თუმცა, რეალურად ისინი ირჩევენ ამომრჩეველთა კოლეგიას, რომლებმაც შემდეგ უნდა აირჩიონ პრეზიდენტი.

ამომრჩეველთა კოლეგიის ხმები უნდა დაითვალონ და გამოაცხადონ 2017 წლის 6 იანვრისთვის (ეს თარიღი შეიძლება უმნიშვნელოდ შეიცვალოს). თუ 538-დან 270-მა წევრმა მაინც მხარი დაუჭირა ერთ კანდიდატს, სწორედ ის იქნება აშშ-ს ახალი პრეზიდენტი, რომლის ინაუგურაციაც იანვრის მეორე ნახევარში გაიმართება.

ნახეთ როგორ ირჩევენ პრეზიდენტს ამერიკაში: საარჩევნო სისტემის დეტალები.