აშშ პრეზიდენტის არჩევნების ხმების დათვლის პროცესი ისევ გრძელდება. თბილისის დროით, 10 საათი მონაცემებით, პრეზიდენტობის რესპუბლიკელი კანდიდატი, დონალდ ტრამპი უსწრებს დემოკრატ ჰილარი კლინტონს. ინფორმაციას ამერიკის ხმა ავრცელებს.

წინასწარი მონაცემების თანახმად, დონალდ ტრამპს საარჩევნო კოლეგიაში უკვე აქვს 245 ხმა, ჰილარი კლინტონს კი - 215. გამარჯვებისთვის საჭიროა 270 ხმის მოპოვება. 8 შტატში საარჩევნო კოლეგიის დარჩენილი 98 ხმის მფლობელი ჯერ ისევ უცნობია.

აშშ-ს მოსახლეობა პრეზიდენტს 538 წევრიანი კოლეგიის საშუალებით ირჩევს. ამ კოლეგიაში თითოეულ შტატს თავისი წარმომადგენლები ჰყავს. სწორედ მათგან 270 წევრის ხმა არის საკმარისი გამარჯვებისთვის. უფრო დეტალურ ინფორმაციას აშშ-ს საპრეზიდენტო სისტემაზე შეგიძლიათ გაეცნოთ აქ.

შედეგების ლაივ რეჟიმში სანახავად კი თვალი ადევნეთ ინტერაქტიულ რუკას.