ქართული ოცნების ლიდერის, ირაკლი კობახიძის თქმით, არჩევნებში მათი ამოცანა ყოველი მეორე ხმის მიღება იქნება. ამ თემაზე ყოფილმა პარლამენტის თავმჯდომარემ იმედის ეთერში ისაუბრა.

"ჩვენ ამ შედეგს მივაღწიეთ წინა არჩევნებზე როცა გვქონდა 49%, რაც პრაქტიკულად არის ყოველი მეორე ხმა და ამ არჩევნებზეც გვაქვს ანალოგიური მიზანი. 50% ეს არის საორიენტაციო, რეალისტური მოლოდინები გვაქვს", — თქვა ირაკლი კობახიძემ.

8 მარტს ოპოზიცია და მმართველი გუნდი საპარლამენტო არჩევნების 120/30-ზე სისტემით ჩატარებაზე შეთანხმდნენ. რაც იმას გულისხმობს, რომ 2020 წლის არჩევნებში პროპორციული სიით 120 დეპუტატი აირჩევა, მაჟორიტარულით კი — 30.

საპარლამენტო უმრავლესობის წევრის, ირაკლი კობახიძის თქმით, 2020 წლის არჩევნებისთვის 30 მაჟორიტარული ოლქის გადანაწილების მონახაზი უკვე შემუშავებული აქვთ.