ახალი პლატფორმა prevencia.ge, რომელიც დღეს შეიქმნა, კორონავირუსთან ბრძოლისათვის საჭირო ინფორმაციას მოუყრის თავს:

საიტს ორი მიზანი აქვს:

1. ადამიანებს მიაწოდოს ინფორმაცია იმ სერვისების და პროდუქტების შესახებ, რომლებიც დისტანციურად არის ხელმისაწვდომი;

2. შეებრძოლოს ყალბ ამბებს, რომლებიც ამ თემის გარშემო უხვად ზიარდება.

ვებგვერდზე მუდმივად ახლდება სერვისების და პროდუქტების ჩამონათვალი, რომლებიც დისტანციურად არის ხელმისაწვდომი. ინიციატივების დამატება კომპანიებსა და ორგანიზაციებს თავადაც შეუძლიათ. ამისთვის აუცილებელია სერვისის გადასამოწმებლად მიუთითონ შესაბამისი ბმული თავიანთი ვებგვერდიდან ან ფეისბუქ გვერდიდან.

შეიქმნა ასევე Facebook გვერდი და ჯგუფი იმისთვის, რომ ყალბი ამბების დროულად აღმოჩენა მოხდეს.

პლატფორმის შექმნას სულ რაღაც 26 საათი დასჭირდა. მომავალში შესაძლოა ვებგვერდს სხვა ფუნქციები და სერვისებიც დაემატოს.