საქართველოს პატრიოტთა ალიანსი ითხოვს, რომ პარლამენტში ვიცე-სპიკერის პოსტი დაიკავოს პარტიის ერთ-ერთმა ლიდერმა ირმა ინაშვილმა. ამის შესახებ პარტიის წევრმა, გოჩა თევდორაძემ რუსთავი 2-ს განუცხადა:

"მეცხრე მოწვევის პარლამენტში მცირერიცხოვანი ვართ წარმოდგენილი, შესაბამისად, ვიცე-სპიკერის პოსტი გვეკუთვნის, ამას ვითხოვთ და წარდგენილი იქნება ირმა ინაშვილი. ჩვენი 4 დეპუტატი იქნება წარდგენილი სხვადასხვა კომიტეტში".

ქართულმა ოცნებამ 6 ნოემბერს პოლიტიკური საბჭოს სხდომა გამართა, რის შემდეგაც ცნობილი გახდა, პარტიაში როგორ გაინაწილებენ საპარლამენტო თანამდებობებს. რაც შეეხება ერთიან ნაციონალურ მოძრაობას, მათთვის საინტერესო არ არის საპარლამენტო თანამდებობებისთვის ბრძოლა.