თბილისის მერიის ინფორმაციით, თბილისის ორ საბავშვო ბაღში რეგისტრაცია იწყება.

#206 საბავშვო ბაღში, რომელიც ზემო ფონიჭალაში მდებარეობს, და გლდანის I მკ/რნ-ში, ბოჭორიშვილის ქუჩაზე მდებარე #35 საბავშვო ბაღში, ბავშვებს 16 მაისს დაარეგისტრირებენ.

ბავშვების დარეგისტრირება თბილისის ბაგა-ბაღების მართვის სააგენტოს ვებ-გვერდზე www.kids.org.ge 12 საათზე დაიწყება.

#206 საბავშვო ბაღი 260-ს, ხოლო #35 ბაღი 350 ბავშვს მიიღებს.

თბილისის მერიის ინფორმაციით, ბაღებისთვის კადრების შერჩევა დაწყებულია, თანამშრომლების ნაწილი კი სხვა ბაღებიდან გადავლენ.

თბილისის მერიის პრესსამსახურის ცნობით, წელს თბილისში კიდევ 4 საბავშვო ბაღი გაიხსნება. 2016 წელს ასევე იგეგმება ქალაქის მასშტაბით 10 ახალი ბაღის მშენებლობის დაწყება.