წალკის მუნიციპალიტეტში 19 წლის გოგოს "მოტაცების" ბრალდებით 3 პირი დააკავეს. შსს-ს ცნობით, ისინი წინასწარი შეთანხმებით მოქმედებდნენ. გამოძიება ირწმუნება, რომ ერთ-ერთმა ბრალდებულმა ნინოწმინდის მუნიციპალიტეტში, ორ თანამზრახველთან ერთად, ცოლად მოყვანის მიზნით, ძალადობრივი გზით აღუკვეთა თავისუფლება გოგოს და წალკაში წაიყვანა.

გამოძიება საქართველოს სისხლის სამართლის კოდექსის 143-ე მუხლის მე-3 ნაწილის "ა" ქვეპუნქტით მიმდინარეობს, რაც წინასწარი შეთანხმებით ჯგუფის მიერ თავისუფლების უკანონო აღკვეთას გულისხმობს. დანაშაული 7-დან 10 წლამდე ვადით თავისუფლების აღკვეთას ითვალისწინებს.