თბილისში, პაბლო პიკასოს ქუჩაზე მკვლელობა მოხდა. არსებული ინფორმაციით, შუახნის კაცი საკუთარ სახლში ცეცხლსასროლი იარაღიდან გასროლით მოკლეს.

როგორც On.ge-ს შინაგან საქმეთა სამინისტროში განუცხადეს, დამნაშავე იდენტიფიცირებულია და მის დასაკავებლად შესაბამისი ღონისძიებები მიმდინარეობს.

უწყების ინფორმაციით, მომხდარზე გამოძიება საქართველოს სისხლის სამართლის კოდექსის ორი მუხლით, 108-ე, განზრახ მკვლელობისა და 236-ე, ცეცხლსასროლი იარაღის უკანონო შეძენა-შენახვა-ტარების მუხლით დაიწყო, რაც 7-იდან 15 წლამდე ვადით თავისუფლების აღკვეთას ითვალისწინებს.