მტკვარში იმ პირის ძებნა, რომელიც მდინარეში სავარაუდოდ გადახტა, ისევ გრძელდება. შემთხვევა გუშინ მოხდა. როგორც საგანგებო სიტუაციების მართვის სამსახურში On.ge-ს განუცხადეს, სამძებრო სამუშაოები დილიდან განახლდა:

"სამუშაოები ახლაც მიმდინარეობს და არ შეწყდება მანამ, სანამ ამ პირს არ ვიპოვით".

გუშინ საღამოს ახალგაზრდა კაცი ვახუშტის ხიდიდან სავარაუდოდ გადახტა. ადგილზე მობილიზებული იყო სამაშველო და სასწრაფო დახმარების ეკიპაჟები და საპატრული პოლიცია.