მილიარდერი მაიკლ ბლუმბერგი აშშ-ს საპრეზიდენტო არჩევნების კამპანიას გამოეთიშა და განაცხადა რომ ახლა ის ყოფილ ვიცე-პრეზიდენტსა ჯო ბაიდენს დაუჭერს მხარს.

"ყოველთვის მჯეროდა, რომ დონალდ ტრამპის დამარცხება იწყება ისეთი კანდიდატის უკან გაერთიანებით, ვინც საუკეთესო დარტყმას მიაყენებს მას. გუშინდელი კენჭისყრის შემდეგ აშკარაა, რომ კანდიდატი ჯო ბაიდენი ჩემი მეგობარი და დიდი ამერიკელია".

ნიუ იორკის ყოფილმა მერმა, მილიარდერმა ბლუმბერგმა ნახევარი მილიარდი აშშ დოლარი დახარჯა საპრეზიდენტო კამპანიის რეკლამაში.

"სამი თვის წინ მე ჩავები ამ კამპანიაში დონალდ ტრამპის დასამარცხებლად და დღეს ვტოვებ კამპანიას ამავე მიზეზით", — თქვა ბლუმბერგმა.

ბლუმბერგმა კამპანიიდან გასვლის გადაწყვეტილება შიდაპარტიული არჩევნების შედეგების შემდეგ გადაწყვიტა. მან 14 შტატიდან მხოლოდ ამერიკულ სამოაზე გაიმარჯვა. ჯო ბაიდენმა 14-დან 9 შტატში მოიგო.

2001 წელს დემოკრატი მაიკლ ბლუმბერგი რესპუბლიკელი გახდა ნიუ-იორკის მერის არჩევნებში გასამარჯვებლად. 2005 წელს იგი მერად მეორე ვადით აირჩიეს.

ბლუმბერგი Wall Street-ის ბანკირი იყო, რომელმაც თავისივე სახელწოდების საფინანსო საგამომცემლო იმპერია დააარსა. ჟურნალი ფორბსის 400 მილიარდელის სიაში იგი სიმდიდრით მეცხრე ადგილზეა მარკ ცუკერბერგის შემდეგ, 55 მილიარდ აშშ დოლარად შეფასებული ქონებით.