საქართველოს პრეზიდენტმა, სალომე ზურაბიშვილმა პარლამენტში ყოველწლიური ანგარიშის წარდგენის დროს საქათველოს წარმატებებსა და მიღწევებზე ისაუბრა. მისი თქმით, ქვეყნის მიღწევებს ვერც ერთი მთავრობა ბოლომდე ვერ მიიწერს.

მან ისაუბრა საქართველოს კულტურულ, ეკონომიკური ზრდის მაჩვენებელზე, სპორტულ წარმატებებზე, ტურისტულ რუკაზე თავის დამკვიდრებაზე და საერთაშორისო უნივერსიტეტებსა და სამეცნიერო შეჯიბრებებში ქართველი სტუდენტების წარმატებაზე.

"30 წელიწადში მივიღეთ ახალი თაობა — სრულიად თავისუფალი, უშიშარი და უკომპლექსო. ამ მიღწევებს ვერც ერთი მთავრობა მთლიანად ვერ მიიწერს. ისიც ცხადია, რომ ყველას მიუძღვის საკუთარი წვლილი, თუმცა ეს მიღწევები საზოგადოების დამსახურებაა", — განაცხადა სალომე ზურაბიშვილმა.

საქართველოს პრეზიდენტი სალომე ზურაბიშვილი დღეს, 4 მარტს პარლამენტის წინაშე ყოველწლიური მოხსენებით წარსდგა. ოპოზიცია, რომელიც ბოიკოტის რეჟიმშია პრეზიდენტის გამოსვლას არ ესწრებოდა. ზურაბიშვილს ბოიკოტი გამოუცხადა ფრაქცია დამოუკიდებელმა დეპუტატებმაც.

ამავე თემაზე: