დაავადებათა კონტროლის ცენტრის ცხელი ხაზი 116 001

თბილისის ინფექციური საავადმყოფოს 8 პაციენტს კორონავირუსი არ დაუდგინდა. მათ პასუხებს ექიმები დღეს, 2 მარტს ელოდებოდნენ. კლინიკაში ამ დროისთვის 27 პაციენტი რჩება. ამის შესახებ ინფორმაცია On.ge-ს ინფექციურ საავადმყოფოში დაუდასტურეს.

იმ რვა პაციენტს, რომელსაც კორონავირუსი არ დაუდგინდა საკარანტინო ზონაში გადაიყვანენ. ხვალ, 3 მარტს დამატებით 13 პაციენტის ანალიზის შედეგები გახდება ცნობილი. საავადმყოფოს ინფორმაციით, პაციენტებს შეხება ირანთან და იტალიასთან ჰქონდათ.

საქართველოში ამჟამად კორონავირუსის 3 შემთხვევაა დაფიქსირებული. კორონავირუსით ინფიცირების პირველი შემთხვევა საქართველოში 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე კი — 29 თებერვალს.

ამავე თემაზე:

გაიგეთ მეტი კორონავირუსის პრევენციის შესახებ: