ბერლინში კორონავირუსის პირველი შემთხვევა დაფიქსირდა. ამის შესახებ ინფორმაციას დოიჩე ველე ავრცელებს. კორონავირუსით დაავადებული პაციენტი ამჟამად ინფექციური საავადმყოფოს ბოქსირებულ პალატაშია მოთავსებული.

გამოცემის ცნობით, მიმდინარეობს აღნიშნული პაციენტის კონტაქტების დადგენა და შემოწმება.

ბოლო მონაცემებით, გერმანიაში კორონავირუსის შემთხვევები მკვეთრადაა გაზრდილი. პირველი მარტის მონაცემით, ქვეყანაში კორონავირუსის 129 შემთხვევა ფიქსირდება, რაც წინა დღის მონაცემებთან შედარებით გაორმაგებული მაჩვენებელია. ვირუსით ინფიცირების შემთხვევების ნახევარზე მეტი ჩრდილოეთ რაინ-ვესტფალიის მხარეში ფიქსირდება.