ქართული ჯავშანმანქანა დიდგორი მეომარი 120 მმ მობილური ნაღმმტყორცნის მოდულით ექსპორტზე გავა. ამის შესახებ ინფორმაციას სამხედრო სამეცნიერო-ტექნიკური ცენტრი დელტა ავრცელებს. მათივე ცნობით, ხელშეკრულება დადეს ახლო აღმოსავლეთის ერთ-ერთ ქვეყანასთან.

ცეტრში ამბობენ, რომ მეორე მხარის მოთხოვნით, თანხასა და ქვეყნის დასახელებას არ ასაჯაროვებენ. განცხადებაში წერია, რომ ჯავშანმანქანა რამდენიმე ათეული მილიონის ღირებულებისაა და მისი პირველი პარტია ახლო აღმოსავლეთის ერთ-ერთ ქვეყნის შეიარაღებულ ძალებს მიეწოდება.

120 მმ კალიბრიანი ნაღმმტყორცნით აღჭურვილი მეომარის დანიშნულებაა ბრიგადის ზომის შენაერთის ან ბატალიონის ზომის ქვედანაყოფის საცეცხლე მხარდაჭერა. მანქანის გამოყენება შესაძლებელია მექანიზირებული ქვედანაყოფის საცეცხლე მხარდაჭერისთვის სამანევრო ოპერაციებში.