გორთან, მაგისტრალზე ავარიის გამო ერთი ადამიანი გარდაიცვალა. შემთხვევა დღეს, 15 თებერვალს მოხდა.

შინაგან საქმეთა სამინისტროს პრესსამსახურის ინფორმაციით, საქმეზე გამოძიება სისხლის სამართლის კოდექსის 276-ე მუხლით დაიწყო. ამ მუხლით ავტომობილის მოძრაობის უსაფრთხოების ან ექსპლუატაციის წესის დარღვევა იმის მიერ, ვინც ამ სატრანსპორტო საშუალებას მართავს, რამაც ადამიანის სიცოცხლის მოსპობა გამოიწვია, ისჯება თავისუფლების აღკვეთით ვადით ოთხიდან შვიდ წლამდე.