2020 წლის იანვარში საქართველოში შემოსულმა ფულადმა გზავნილებმა $125,6 მილიონი (362,2 მილიონი ლარი) შეადგინა, რაც 8,6 პროცენტით მეტია 2019 წლის იანვრის ანალოგიური პერიოდის მაჩვენებელზე.

ეროვნული ბანკის ინფორმაციით, ყველაზე მეტი ფულადი გზავნილი რუსეთიდან განხორციელდა — $26,17 მილიონი. $21,06 მილიონის ოდენობის გზავნილი განხორციელდა იტალიიდან, საბერძნეთიდან — $14,87 მილიონი. ჯამში კი ევროპის ქვეყნებიდან საქართველოში $52,45 მილიონი გადმოირიცხა. ამავე დროს, აშშ-დან $13,56 მილიონის ფულადი გზავნილები განხორციელდა.

ფოტო: ეროვნული ბანკი

2020 წლის იანვარში საქართველოდან საზღვარგარეთ $18,5 მილიონი (53,2 მილიონი ლარი) გადაიგზავნა, რაც 2019 წლის იანვრის ანალოგიურ მაჩვენებელთან შედარებით 19,1 პროცენტით მეტია.