ჯანდაცვის ორგანიზაციის ბოლო მონაცემებით, ჩინეთში კორონავირუსის კიდევ 5 090 ახალი შემთხვევა დაფიქსირდა, გარდაიცვალა 121 ადამიანი. ინფორმაციას ამის შესახებ Reuters ჩინეთის ჯანდაცვის ეროვნულ კომისიაზე დაყრდნობით ავრცელებს.

კომისიის განცხადებით, 13 თებერვლის მონაცემებით ინფიცირებულთა როდენობა 63 851-ია. ამჟამად 55 748 ადამიანი მკურნალობს, ხოლო 1 380 ადამიანი გარდაიცვალა გრიპის ვირუსით.

მსოფლიო ჯანდაცვის ორგანიზაციის თქმით, ჩინეთის გარეთ კორონავირუსის შემთხვევები დრამატულად არ იზრდება. გამონაკლისია იაპონია, სადაც საკრუიზო ლაინერზე 44 ახალი შემთხვევა დაფიქსირდა და იქ ჯამში 218 ადამიანია დაინფიცირებული.

ჩინეთს გარეთ კორონავირუსის მინიმუმ 585 დადასტურებული შემთხვევა 25-ზე მეტ ქვეყანაში გამოვლინდა. მსოფლიოს მასშტაბით, 80 წლის იაპონელი ქალი მესამე ადამიანია, რომელიც ვირუსით გარდაიცვალა.