ქართული ოცნების მთავარ ოფისში დღის განმავლობაში კონსულტაციები მიმდინარეობს. როგორც ქრონიკა იტყობინება, ამ დრომდე ბიზნესომბუდსმენის თანამდებობაზე მყოფი გიორგი გახარია ეკონომიკის მინისტრი გახდება, დიმიტრი ქუმსიშვილი კი ფინანსთა მინისტრის პოსტს დაიკავებს.

გარდა ამისა, ქრონიკისვე ცნობით, კახი კალაძე ისევ ენერგეტიკის მინისტრის თანამდებობას დაიკავებს. ამასთან, მანანა კობახიძე აღარ იქნება პარლამენტის ვიცე-სპიკერი, ირაკლი კობახიძე კი პარტიის პარლამენტის თავჯდომარის პოსტს დაიკავებს.

ამ უკანასკნელს არ ადასტურებს თავად კობახიძე და განმარტავს, რომ მხოლოდ პარტიის შიგნით გამართული მსჯელობის შემდეგ შეძლებს კომენტარის გაკეთებას. უმრავლესობის წევრმა, ეკა ბელესიამ კი განმარტა, რომ კობახიძეს აქვს საუკეთესო თვისებები იმისთვის, რომ მნიშვნელოვან პოზიციაზე იყოს წარდგენილი:

"თუმცა, ამ დრომდე ასეთი კონსულტაციები არ გვქონია და ამ საკითხზე არ გვიმსჯელია".