ქვეყანაში კულტურის, უფრო ზუსტად კი მუსიკის სფეროს განვითარების ერთ-ერთი მაჩვენებელი აქ მიმდინარე ფესტივალებიცაა. ამ მხრივ ისეთი პატარა ქვეყანა, როგორიც საქართველოა შეგვიძლია რეგიონის ლიდერად ჩავთვალოთ. ჩვენი ფესტივალები მუსიკის თითქმის ყველა ჟანრს აერთიანებს და მსმენელთან შესახვედრად ხშირად მსოფლო დონის ვარსკვლავები ჩამოდიან.

მუსიკის სფეროს განვითარებაში საკუთარი გამორჩეული და მნიშვნელოვანი წვლილი თბილისის ჯაზ-ფესტივალს აქვს. მისი ორგანიზატორები კი ისთერნ პრომოუშენსი და თიბისი სტატუსი არიან.

პირველ ჯაზ-ფესტივალს თბილისმა ჯერ კიდევ 1978 წელს უმასპინძლა. მაშინ ეს ყოფილ საბჭოთა ქვეყნებს შორის ნამდვილად გამორჩეული მოვლენა იყო, თუნდაც იმ მხრივაც, რომ ჩვენს საზღვრებს უცხოელი არტისტები იშვიათად კვეთდნენ.

რიგით მეორე ფესტივალი თბილისში 1986 წელს, ხოლო მესამე —1989 წელს ჩატარდა. 2000 წლამდე ეს ტრადიცია დროებით შეწყდა, თუმცა ისთერნ პორმოუშენსმა ამ პერიოდში ჯაზის მოყვარულებს ალტერნატიული მუსიკალური საღამოები შესთავაზა.

2000 წლიდან საერთაშორისო ფესტივალი აღდგა და თბილისი, დღემდე რჩება მსოფლიო დონის ჯაზ-შემსრულებლების შეკრების უცვლელ ადგილად. ფესტივალს ერთადერთი წყვეტა 2008 წელს ჰქონდა, რისი მიზეზიც აგვისტოს ომი იყო.

2020 წლის ჯაზ-ფესტივალი

წლევანდელი თბილისის ჯაზ-ფესტივალი 25-28 მარტს გაიმართება. მსმენელი ამ შემთხვევაშიც განებივრებული იქნება სასიამოვნო მუსიკით და ალბათ დაუვიწყარი მოგონებებიც დარჩებათ. თიბისი სტატუსის მომხმარებლებს კი დამატებითი სიხარულის მიზეზიც აქვთ, ფესტივალის ბილეთებზე მათთვის 20%-იანი ფასდაკლება იმოქმედებს.

თიბისის გენერალური დირექტორის მოადგილის, ნიკა ქურდიანის თქმით, თიბისი სტატუსი ამაყობს ისთერნ პრომოუშენთან მრავალწლიანი თანამშრომლობით.

"წელს მთავარი დარბაზი მოეწყობა რუსთაველის თეატრში, სადაც ისევ იქნება სუპერ ლაინაფი, ძალიან ცნობილი სახელები და ძალიან დიდი არტისტები. თიბისი სტატუსი ძალიან ამაყია, რომ აქვს საშუალება, მხარი დაუჭიროს ისეთ დიდ პროგრამას, როგორსაც ისთერნ პრომოუშენსი წლებია ძალიან მაღალი ხარისხით ასრულებს", — განაცხადა ნიკა ქურდიანმა.

ჯაზ-ფესტივალი წელსაც არ ღალატობს ტრადიციას და სცენაზე მსოფლიო დონის, ძველი თაობის შემსრულებლებთან ერთად, თანამედროვე, დამწყებ არტისტებსაც იწვევს. რა თქმა უნდა, უყურადღებოდ არც ქართველი ჯაზ შემსრულებლები დარჩებიან.

როგორც ისთერნ პრომოუშენსის დირექტორმა, გიორგი კერესელიძემ On.ge-სთან საუბრისას თქვა, წელს გადაწყვიტეს, რომ ჯაზისთვის აკადემიური გარემო შეერჩიათ, ამიტომ ფესტივალი რუსთაველის თეატრში გაიმართება.

"დელ ფოლანდი და კენი ბარონი ტრიოში, ეს ორი უდიდესი მუსიკოსი ჯაზის სამყაროში ერთად პირველად გამოდიან. მათ შარშან ჩაწერეს ალბომი, რომელიც სულ მალე გამოვა და სწორედ ამ ალბომის საპრეზენტაციო ტურის ფარგლებში გაიმართება ეს კონცერტი თბილისში. 26-ში გვექნება ბრიტანელი მუსიკოსის აიანა უიტერ ჯონსონის კონცერტი, რომელიც ძალიან საინტერესო მუსიკოსი, წლევანდელი ფესტივალების ნამდვილი აღმოჩენა და ძალიან მოთხოვნადი არტისტია", — თქვა გიორგი კერესელიძემ.

უფრო კონკრეტულად, ვის მოსმენას შეძლებთ ფესტივალის ფარგლებში

ფესტივალის მსოფლიო დონის ვარსკვლავებს შორის არიან 5 გრემის ჯილდოს მფლობელი, საუკეთესო ჯაზ-ვოკალისტი — დაიან რივსი, ჯაზის ლეგენდები — კენი ბარონი, დეივ ჰოლანდი, ჯონათან ბლეიქი, ბრიტანეთის ამომავალი ვარსკვლავი, ევროპის საფესტივალო სეზონის ყველაზე მოთხოვნადი არტისტი — აიანა უიტერ–ჯონსონი.

სხვადასხვა თაობის ქართველი ჯაზ–შემსრულებლებს შორის, მსმენელის წინაშე უახლესი პროექტებით წარდგებიან:

• გუჯა მარდინის კვარტეტი;
• ლუკა თოფურიას კვარტეტი;
• რეზო კიკნაძის სიქსტეტი;
• გია რაქვიაშვილის ტრიო.

23-ე ჯაზ–ფესტივალს 25 მარტს რუსთაველის თეატრში ბრიტანელი ჯაზ–მუსიკოსის აიანა უიტერ–ჯონსონის კონცერტი გახსნის, რომლის შემდეგაც მსმენელის წინაშე კენი ბარონისა და დეივ ჰოლანდის ტრიო წარსდგება. საღამოს კლუბ ზინგერში გუჯა მარდინის კვარტეტი დაასრულებს.

მეორე საფესტივალო დღეს, 26 მარტს, კლუბ ზინგერში ლუკა თოფურიას კვარტეტის კონცერტი გაიმართება, ხოლო 27 მარტს მსმენლის წინაშე რეზო კიკნაძის სიქსტეტი წარდგება.

28 მარტს, ბოლო საფესტივალო დღეს მეორე კონცერტიც გაიმართება – კლუბი ზინგერი, ამჯერად, გია რაქვიაშვილის ტრიოს უმასპინძლებს.

ფესტივალის ორგანიზატორებს საგანმანათლებლო ფუნქციის ტრადიციაც არ დაურღვევიათ. ამ მხრივ ფესტივალი 2 მასტერკლასს გვთავაზობს. 26 მარტს, სახელმწიფო კონსერვატორიაში სტუდენტებს და მოყვარულებს აიანა უიტერ–ჯონსონი შეხვდება. 28 მარტს, ისტორიაში პირველად, რუსთაველის თეატრში სპეციალურად ქართველი სტუდენტებისთვის დაიან რივსი ღია რეპეტიციას ჩაატარებს და მომავალი ვოკალისტების შეკითხვებსაც უპასუხებს.

სტუდენტებისთვის მასტერკლასებზე დასწრება უფასოა.

თბილისის რიგით 23-ე ჯაზ–ფესტივალის მხარდამჭერია საქართველოს განათლების, მეცნიერების, კულტურისა და სპორტის სამინისტრო და ქალაქ თბილისის მერია. ჯაზ–ფესტივალში მონაწილე არტისტების მასპინძელია შავი ლომი. ფესტივალის მედიამხარდამჭერები: ნეტგაზეთი, მარკეტერი, რადიო ფორტუნა, Financial.

ბილეთების შეძენას www.tkt.ge-ზე შეძლებთ.