როტერდამის ლაბორატორიამ დაადასტურა, რომ საქართველოს 2 მოქალაქეს, კორონავირუსი არ აქვს. ამის შესახებ ინფორმაციას დაავადებათა კონტროლის ცენტრში ადასტურებენ.

პაციენტების ანალიზების პასუხები ნიდერლანდებიდან დღეს გახდა ცნობილი. დაავადებათა კონტროლის ცენტრში ამბობენ, რომ ამ დროისთვის საქართველოში კორონავირუსის შემთხვევა არ დაფიქსირებულა.

რისკებზე მზადყოფნისა და დიაგნოსტიკის მიმართულების ხელმძღვანელმა, ანა კასრაძემ On.ge-სთან საუბრისას აღნიშნა, რომ მიიღეს ლაბორატორიული დიაგნოსტიკის საშუალება, რომლის დახმარებითაც ანალიზების შემოწმება ლუგარის ლაბორატორიაში იქნება შესაძლებელი.