საქართველოს ყოფილი პრეზიდენტი, მიხეილ სააკაშვილის ქართული ოცნების მთავრობის პირობებში ქვეყნის ეკონომიკური განვითარების დონეს აკრიტიკებს და ამბობს, რომ მის დროს მოქალაქეებს "თვალებში გამოხედვის" ოთხჯერ მეტი შესაძლებლობა ჰქონდათ. მისივე თქმით, 2012 წლიდან ქვეყანა "დროს კარგავს".

როგორც სააკაშვილი ამბობს, საქართველომ დაკარგა შესაძლებლობა, რომ ეცხოვრა როგორც ნორმალურ, საკმაოდ განვითარებულ, ევროპულ ქვეყანას.

"ბოლო 30 წლის განმავლობაში ჩვენ დავკარგეთ მთელი პერიოდი შევარდნაძის დროს და შემდეგ ვკარგავთ დროს 2012 წლის შემდეგ. რომ ვილაპარაკოთ ციფრებით, ჩემს დროს ეკონომიკა გაიზარდა ზუსტად ოთხჯერ, ანუ საქართველოს მოქალაქეებს მიეცათ ოთხჯერ მეტი შესაძლებლობა განვითარების, ადამიანური ცხოვრების და თვალებში გამოხედვის. შემდეგ მოვიდა ივანიშვილი და უკვე მერვე წელია, საქართველო გაიზარდა ნული პროცენტით, ე.ი ამ თაობამ დაკარგა უზარმაზარი მონაკვეთი თავისი ცხოვრების", — განაცხადა სააკაშვილმა.