თბილისში, ლუბლიანას ქუჩაზე მდებარე სუპერმარკეტ სპარის მაღაზიაში თანამშრომელი დაჭრეს. შემთხვევა დღეს, 27 იანვრის საღამოს მოხდა. დაშავებული საავადმყოფოშია გადაყვანილი.

შინაგან საქმეთა სამინისტროში On.ge-ს უთხრეს, რომ საქმეზე გამოძიება საქართველოს სისხლის სამართლის კოდექსის 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს.

სპარის მოლარე სამუშაოს შესრულების დროს გასულ თვეშიც დაჭრეს. შემთხვევა 30 დეკემბერს, კოსტავას ქუჩაზე მოხდა. დაშავებული თანამშრომელს მიყენებული დაზიანებების შედეგად 21 იანვარს გარდაიცვალა.