საოკუპაციო ხაზთან მდებარე სოფელ ქერეს მოსახლეობა აქციას მართავს. სოფლის შესასვლელთან, პოლიციის განყოფილებასთან შეკრებილები აცხადებენ, რომ საცხოვრებელი პირობები არ აქვთ. ჟურნალისტებთან საუბარში აქციის ერთ-ერთი მონაწილე ამბობს, რომ ხელისუფლება მათ მთის სტატუსს შეპირდა, თუმდა უშედეგოდ. მთის სტატუსი უკვე აქვს ქერეს მეზობელ სოფლებს, მათ შორის, კოშკას, გუგუთიანთკასა და მერეთს.

"გვაქვს გზის პრობლემა, სტატუსის პრობლემა, სკოლის პრობლემა, საბავშვო ბაღის პრობლემა. დაპირებები ძალიან ბევრია, მაგრამ ფაქტებს ვერაფერს ვხედავთ", — ამბობს აქციის ერთ-ერთი მონაწილე.

აქციის მონაწილეები აცხადებენ, რომ სკოლაში გათბობა არ არის და პროტესტის ნიშნად ბავშვები სკოლაში აღარ გაუშვეს.