საქართველოს პრემიერ-მინისტრი, გიორგი გახარია თურქეთში მიწისძვრის შედეგად დაზარალებულების ოჯახებს სოლიდარობას უცხადებს. ამის შესახებ მან პოსტი ტვიტერზე გამოაქვეყნა.

"ჩემი თანაგრძნობა და სოლიდარობა თურქეთში მომხდარი მიწისძვრის შედეგად დაღუპულებისა და დაშავებულების ოჯახებს. საქართველო დგას თურქეთის გვერდით ამ მძიმე წუთებში", — წერს გიორგი გახარია.

თურქეთში, 6,7-6,8 მაგნიტუდის სიმძლავრის მიწისძვრა ელაზიგის პროვინციაში მოხდა, რომელიც ანკარასთან 550 კილომეტრში მდებარეობს. ბოლო მონაცემებით მიწისძვრის შედეგად 19 ადამიანი დაიღუპა, 600-ზე მეტი კი დაშავდა.