უეფას ერთა ლიგის ნახევარფინალურ მატჩს საქართველოსა და ბელორუსს შორის, 26 მარტს დინამო არენა უმასპინძლებს. ამის შესახებ ფეხბურთის ფედერაციის გენერალურმა მდივანმა დავით მუჯირმა მედიასთან ისაუბრა. ინფორმაციას ადასტურებს უეფას ოფიციალური გვერდიც.

უეფას ერთა ლიგის ნახევარფინალის ჩატარება ბათუმის ახლადაშენებულ სტადიონზე იგეგმებოდა, თუმცა 26 მარტისთვის სტადიონი ექსპლუატაციაში შესული არ იქნება.

ერთა ლიგის ნახევარფინალში გამარჯვების შემთხვევაში 31 მარტს ფინალურ მატჩსაც საქართველო მასპინძლობს. ბელორუსის დამარცხების შემთხვევაში ეროვნული ნაკრები, კოსოვოს და მაკედონიას შორის გამარჯვებულს შეხვდება.