მოსამართლეობის საკვალიფიკაციო გამოცდის პირველი ეტაპი 140 გამოსაცდელიდან 20-მა მონაწილემ ჩააბარა. ამის შესახებ ინფორმაციას იუსტიციის უმაღლესი საბჭო ავრცელებს. მათი ცნობით, 75-ქულიანი ზღვარი სამოქალაქო და ადმინისტრაციული სამართლის სპეციალიზაციაში 14-მა, ხოლო სისხლის სამართლის სპეციალიზაციაში 6-მა გამოსაცდელმა გადალახა.

მოსამართლეობის საკვალიფიკაციო გამოცდის პირველი ეტაპი ხუთი საათის განმავლობაში მიმდინარეობდა. საგამოცდო ტესტი სამართლის შესაბამისი დარგების მიხედვით შედგენილ 100 არჩევითპასუხიან - მარტივი, საშუალო და რთული კატეგორიის, დავალებას მოიცავდა. გამოცდის მეორე ეტაპის წერითი გამოცდა 25 იანვარს ჩატარდება.