თბილისის მერიის დაქვემდებარებული გამგეობები სოციალურად დაუცველებს, საშუალოდ, ერთ ლარად და 29 თეთრად შეფასებული მენიუთი გამოკვებავს. ყველა ტენდერი, რომელიც 2020 წლისთვის თბილისის 10-მა მუნიციპალიტეტმა ჩაატარა, დასრულებულია.

თბილისის მასშტაბით ჯამში 38 748 ბენეფიციარის მთელი წლით გამოკვებისთვის ბიუჯეტიდან ჯამში 17 993 205 ლარი დაიხარჯება.

ტენდერებში სულ ოთხმა კომპანიამ გაიმარჯვა. მათგან ყველაზე მეტ თანხას შპს ილი ჯგუფი მიიღებს (მოგებული 3 ტენდერი), შემდეგ მოდის შპს Aladashvili & co (მოგებული 4 ტენდერი), შპს ელფი (მოგებული 1 ტენდერი) და შპს ტანდემი (მოგებული 2 ტენდერი).

მენიუს შესახებ დეტალური ინფორმაცია შეგიძლიათ ნახოთ სახელმწიფო შესყიდვების სააგენტოს ვებგვერდზე.