საგარეო საქმეთა სამინისტროს ინფორმაციით, ფინეთში გამართულ საერთაშორისო ტურისტულ გამოფენა-ბაზრობაზე MATKA 2020 საქართველო წლის ტურისტული დანიშნულების ქვეყნად დასახელდა. უწყების განცხადებით, გამოფენაში 86 ქვეყნის 22 500 ტურიზმის პროფესიონალი იყო ჩართული და 80 000 ვიზიტორი ესწრებოდა.

მათივე თქმით, საქართველოს ტურიზმის ადმინისტრაციას საპრეზენტაციო სტენდზე 9 კომპანია და ორგანიზაცია ჰქონდა წარდგენილი ტურისტული პოტენციალის წარმოსაჩენად. ესენია: აჭარის ტურიზმისა და კურორტების დეპარტამენტი, შპს აჭარა-ტური, Georgia in Contact, Caucasus Travel, World Express, Georgian Travel Group, Voyage Tours, APG, Iberia Tours Plus.