სახელმწიფო მინისტრის ქეთევან ციხელაშვილის განცხადებით, სოფელ ჩორჩანაში საოკუპაციო ძალების მიერ უკანონო ინსტალაციების მონტაჟი "სასიცოცხლო არხის გადაკეტვაა".

"ეს არის მოსახლების მძევლად აყვანა, სრულიად დაუშვებელი და მიუღებელი. ყველა საერთაშორისო ფორმატის გამოყენებით ვცდილობთ, რომ მოხდეს ძალისხმევის მობილიზება და შესაბამისად ზეწოლა საოკუპაციო რეჟიმზე, რომ გადაადგილება გაიხსნა, პირველ რიგში მოსახლეობის ინტერესებიდან გამოდინარე", — აცხადებს სახელმწიფო მინისტრი შერიგებისა და სამოქალაქო თანასწორობის საკითხებში.

სახელმწიფო უსაფრთხოების სამსახურის ინფორმაციით, ხაშურის მუნიციპალიტეტის სოფელ ჩორჩანას მიმდებარედ, საოკუპაციო ძალებმა ცენტრალური ხელისუფლების მიერ კონტროლირებად ტერიტორიაზე უკანონო ინსტალაციები აღმართეს.