თბილისის მერია 170 ათას ლარს დახარჯავს საკუთარი საქმიანობის სოციალურ ქსელ ფეისბუქსა და ინსტაგრამზე რეკლამირებაში.

დოკუმენტის მიხედვით, რეკლამირება შეეხება თბილისის მერიას დაქვემდებარებული სამსახურების ფეისბუქ გვერდებსაც, მათ შორისაა გამგეობები, სატრანსპორტო კომპანია, ინფრასტრუქტურის განვითარების სამსახური, თბილსერვისჯგუფი, თბილისის ღამის ეკონომიკის საქმიანობა, თბილისის ზოოპარკი და სხვა.

"აღნიშნულ სოციალურ ქსელებს საქართველოში ყველაზე მეტი მომხმარებელი ჰყავს. იმის გათვალისწინებით, რომ სხვა სოციალური ქსელების მომხმარებელთა რიცხვი გაცილებით ნაკლებია, ვიდრე Facebook-ის და Instagram-ის, აღნიშნული მომსახურება, მოცემული შესყიდვის მიზნებისთვის, მათ გამოყენებას უალტერნატივოს ხდის", — ამგვარია თბილისის მერიის წარმომადგენელი ააიპ საზოგადოებასთან კომუნიკაციის სააგენტოს დასაბუთება.