ახალქალაქისა და კუმურდოს მიტროპოლიტი, სინოდის წევრი, მეუფე ნიკოლოზი ამბობს, რომ უპრეცენდენტო შემთხვევა იყო, როცა პრეზიდენტს დეკანოზ გიორგი მამალაძის შეწყალების თხოვნით მიმართეს. ამის შესახებ მან დღეს, 12 იანვარს ისაუბრა.

ჟურნალისტების დამზუსტებელი კითხვაზე, კიდევ აპირებს თუ არა სინოდი პრეზიდენტისთვის შეწყალების თხოვნით მიმართვას, მეუფე ნიკოლოზი ასე პასუხობს:

"თქვენ ეს თამაში ხო არ გგონიათ, სინოდმა დაწერა წერილი და მეორეჯერ დაწეროს? — თქვა მეუფე ნიკოლოზმა.

რამდენიმე დღის წინ, 6 იანვარს ცნობილი გახდა, რომ პრეზიდენტმა არ შეიწყალა გიორგი მამალაძე. დეკანოზ მამალაძის შეწყალების შუამდგომლობით პრეზიდენტს სინოდმა თითქმის ორი წლის შემდეგ, ოქტომბერში მიმართა.

გიორგი მამალაძის გათავისუფლების მოთხოვნით მის ძმას, თორნიკეს მამალაძეს სექტემბრიდან პარლამენტის წინ კარავი ჰქონდა გაშლილი.

გიორგი მამალაძე 2017 წლის 10 თებერვალს თბილისის საერთაშორისო აეროპორტში დააკავეს. დეკანოზის დაკავების შესახებ ინფორმაცია პროკურატურამ 13 თებერვალს გაავრცელა. მას პატრიარქის მდივან-რეფერენტის, შორენა თეთრუაშვილის მკვლელობის მომზადება ედება ბრალად. შორენა თეთრუაშვილი, ილია მეორესთან ერთად, აღნიშნულ პერიოდში ბერლინში იყო, სადაც პატრიარქი მკურნალობდა.

დეკანოზი გიორგი მამალაძე სასამართლომ დამნაშავედ სცნო და მას შორენა თეთრუაშვილის განზრახ მკვლელობის მომზადებისა და იარაღის უკანონო შენახვა-ტარებისთვის ცხრაწლიანი პატიმრობა მიუსაჯა.

13 თებერვალს თბილისის სააპელაციო სასამართლომ დეკანოზ გიორგი მამალაძის მიმართ გამოტანილი განაჩენი ძალაში დატოვა, უზენაესმა სასამართლომ კი დაუშვებლად სცნო.