მთელი ღამის განმავლობაში თოვდა როგორც აღმოსავლეთ, ისე დასავლეთ საქართველოში, რის გამოც მაღალმთიან რეგიონებში გზების გარკვეულ მონაკვეთზე გადაადგილება დროებით შეზღუდული იყო. გზების გაწმენვდითი სამუშაოები ჩატარდა თბილისის შემოგარენშიც. გასული ღამის განმავლობაში თოვდა კოჯორში, კიკეთში, წავკისსა და წყნეთში.

გარემოს ეროვნული სააგენტოს სინოპტიკოსების ინფორმაციით, საქართველოში ტემპერატურა 27 ოქტომბრიდან მოიმატებს, თუმცა მანამდე ნალექი თითქმის ყველა რეგიონში შენარჩუნდება. ამ დღეების განმავლობაში, დასავლეთ საქართველოში ტემპერატურა 6-11 გრადუსი, ხოლო აღმოსავლეთ საქართველოში 2-7 გრადუსი იქნება.

რაც შეეხება თბილისს, მომდევნო დღეების განმავლობაში თოვლ-ჭყაპი იქნება, ჰაერის ტემპერატურა კი 4 გრადუსამდე შენარჩუნდება.

სპეციალისტები მოსახლეობას მოუწოდებენ, რომ ამინდის გაუარესების პირობებში, გზებზე ზამთრის საბურავებით გადაადგილდნენ.